Bie nga lartësia e pallatit në ndërtim 28-vjeçari, informacionet e para

Një 28-vjeçar ka ndërruar jetë mëngjesin e sotëm në Shëngjin, pasi ka rënë nga lartësia e një objekti në ndërtim.

Ngjarja e rëndë ka ndodhur rreth orës 07:30 të mëngjesit të kësaj të enjteje. Sipas informacioneve paraprake i riu ishte punëtor në pallatin që po ndërtohej dhe ka rënë nga kati i 9-të i pallatit.

Ndërkohë ende nuk diihen ende shkaqet dhe rrethanat e ngjarjes.

Policia bën me dije se grupi hetimor po vijon punën për zbardhjen e ngjarjes.

“Rreth orës 7:30, dyshohet se gjatë punës, ka rënë aksidentalisht nga lartësia e një pallati, shtetasi E. F.,  i cili si pasojë ka humbur jetën në spital. Grupi hetimor vijon punën për të dokumentuar me prova ligjore rrethanat e rastit”- njofton policia.

LEXONI GJITHASHTU:

• Ra nga kati i katërt i pallatit, 27-vjeçarja humb jetën në spital
• Vrau nënën duke ushtruar dhunë fizike ndaj saj, vihet në pranga 35-vjeçari (Emri)