Bie nga lartësia, ndërron jetë futbollisti dhe biznesmeni shqiptar në Itali

Një ngjarje e rëndë ka ndodhur në qytezën e San Severino Marche, në Itali, pasditen e të premtes, ku një 30-vjeçar shqiptar ka humbur jetën pasi ka rënë nga lartësia e një objekti në ndërtim.

Viktima është identifikuar si Amarildo Dedja, i cili prej vitesh jetonte në qytetin e Settempedana, bashkë me gruan shtatzënë, por dhe prindërit e vëllain e tij.

Mediat italiane shkruajnë se Dedja u rrëzua nga skelat e një pallati në rinovim e sipër, duke rënë nga një lartësi prej 10 metrash.

30-vjeçari gjeti vdekjen e menjëhershme për shkak të goditjes së marrë.

Shërbimet e urgjencës që mbërritën menjëherë në vendngjarje dhe u përpoqën t’i jepnin ndihmën e parë, por 30-vjeçari kishte ndërruar jetë.

Dedja kishte një kompani të vogël ndërtimi por ishte edhe futbollist, ku luante në liga amatore si mesfushor. Ai ishte aktualisht një lojtar i Ruggero Mancini të Pioraco.

“I gjithë Ruggero Mancini qëndron me familjen e tij”, thueht në mesazhin e klubit.

Ai kishte luajtur më parë për Tolentino, Potenza Picena, Camerino, Settempeda dhe Folgore Castelraimondo, duke qenë një futbollist i njohur në Marche.

LEXONI GJITHASHTU:

• Aksident i rëndë në Elbasan, makina bie në humnerë. Kërkime me helikopter
• Aksident i rëndë në Librazhd-Elbasan, vetura përplaset me kamionçinën