Bie numri i krimeve, në vitin 2022 u shënuan 1700 vepra penale më pak se në 2021

Në vitin 2022, numri i vrasjeve dhe vjedhjeve është  më i ulët se në vitin 2021. Statistikat tregojnë se numri i përgjithshëm i veprave penale ishte 5% më i ulët.

Veprat penale në vitin 2022 janë më të pakta në  numër në krahasim me vitin 2021. Në raportin e publikuar nga INSTAT, shifrat tregojnë se vitin që lamë pas, numri i krimeve është 33 480, nga 35 210 që u regjistruan në vitin paraardhës.

Numri i autorëve të veprave penale, përfshi ata që ishin të dyshuar ishte 38 200, nga të cilët 94% meshkuj.

Nga ana tjetër numri i njerëzve të dëmtuar ishte, 13 600 dhe 40% kanë qenë të gjinisë femërore. Këto të fundit, kanë rënë pre e krimeve seksuale, dhunës në familje dhe krime kundër moralit.

Prokuroria e Përgjithshme ka proceduar penalisht 25 708 individë.

Sipas të dhënave, grup-moshat më të prirura për vepra penale janë në fashën 30 deri 44 vjeç, por shfaqje force ka dëshmuar edhe grup-mosha 18-29 vjeç.

Në vitin 2022, janë regjistruar, 42 vrasje me dashje, nga 61 që ndodhën në vitin 2021.

LEXONI GJITHASHTU: 

• “Për detin, marrëveshje e shkëlqyer”, Dendias: Shembull për Turqinë
• Dhunon me sende të forta avokatin në zyrë, shpallet në kërkim 34-vjeçari në Fier