Bie prodhimi i energjisë elektrike, shkak mungesa e rreshjeve ne HEC-e

Shqipëria ka prodhuar këtë vit 20% më pak energji elektrike se vitin e kaluar.

Për të mbuluar nevojat e brendshme, KESH ka siguruar një pjesë të energjisë, në tregun e huaj.

Këtë vit Shqipëria nuk ka prodhuar energji elektrike, ngjashëm me sasinë e vitit 2023. Të paktën në pjesën e parë të vitit, prodhimi ka rënë me 20%.

Sipas bilanceve të përditësuara në tremujorin e dytë, hidrocentralet dhe panelet kanë prodhuar 1.840 GWh nga 2.270 GWh që prodhuan në muajt prill-qershor 2023.

Për këtë arsye edhe sasia e blerës për të mbuluar nevojat në vend ka qenë më e larë.

Konkretisht, sistemi importoi 623 GWh nga 355 GWh që realizoi në të njëjtën periudhë të një viti më parë, duke shënuar kështu një rritje me 75,2%.

Nga ana tjetër, eksporti arriti vlerën 665 GWh, ose 15% më pak se vitin e kaluar.

Ajo që vihet re është edhe një rënie e humbjeve në rrjet.

“Ato ishin 323 GWh nga 359 GWh, duke shënuar kështu një rënie me 10,0%.

Tremujori i dytë duket se është përkufizuar me një aktivitet ekonomik më pak intensiv për bizneset në raport me një vit më parë teksa përdorimi i energjisë nga këto subjekte ka regjistruar rënie.

“Përdorimi i energjisë elektrike nga konsumatorët familjarë, në tremujorin e dytë të vitit 2024, u ul me 0,3%, dhe nga konsumatorët jo familjarë, u ul 2,3%”, thuhet në raportin e publikuar nga Instituti i Statistikave.

LEXONI GJITHASHTU:

• SPAK sekuestron HEC-in e Erzen Breçanit dhe llogaritë bankare të Ervin Matës
• Lihet në fuqi sekuestroja ndaj HEC-it të Erzen Breçanit