Bilanci i përmbytjeve në Pogradec: Vërshimet shkatërruan rrugë dhe ura

Reshjet e shumta të nëntorit të vitit të kaluar shkaktuan përmbytje në Pogradec dhe dëme të konsiderueshme në infrastrukturë. Situata më problematike ishte përgjatë lumit Vërdovës, ku prurjet e ujit shkatërruan muret mbajtëse dhe urat që shërbenin për kalimin e banorëve. Vërshimi i ujit dëmtoi gjithashtu një pjesë të unazës rrugore të Pogradecit, e cila bashkë me urat mbi lumë vijon të mbetet e pa rindërtuar.

Banorët shprehen shqetësimin për gjendjen e rrugëve dhe urave, duke theksuar rrezikun që paraqesin për sigurinë e tyre dhe pasojat nga reshjet e ardhshme.

Bashkia Pogradec njofton se ka dërguar dy projekte pranë Ministrisë së Bujqësisë dhe Zhvillimit Rural për lumin Vërdovës dhe Rrëmenjit. Deri në financimin e tyre, ndërhyrjet do të realizohen përmes një fondi emergjence për të shmangur dëmtimin e mëtejshëm të rrugës. Projekti parashikon, krahas argjinaturës, prishjen e të gjitha urave familjare që mund të krijojnë pengesa gjatë reshjeve të shumta.