Bilanci i përmbytjeve në qarkun e Durrësit  

Në qytetin e Durrësit situata i është rikthyer normalitetit.

Korrespondentja e Euronews Albania atje, Klodia Gjuzi raportoi se në mbrëmjen e të hënës nuk ka më asnjë rrugë të bllokuar nga uji, ndërsa reshjet kanë qenë kalimtare.

Zona e ish-Kënetës, siç tha dhe Gjuzi nuk mund të quhet më ish, pasi sa herë ka reshje aty ofrohet po e njëjta panoramë, ajo e përmbytjeve. Situata në atë zonë ka qenë e përkeqësuar gjatë mbrëmjes së të dielës.

Dëmet në shtëpitë në Durrës kanë qenë jo vetëm në orendi shtëpiake, por dhe në pajisje elektrike.

Uji ka depërtuar kryesisht në katet e para të banesave.

Gjuzi raportoi se në zonën e Fushë Krujës, pjesë e qarkut të Durrësit ka pasur 10 shtëpi të përmbytura.