Bislimi tregon pesë kriteret për Asociacionin

Zëvendëskryeministri i Kosovës, Besnik Bislimi, tha se ka një dakordësi të plotë në Bruksel që do të jenë pesë kritere përmes të cilave do të shihet se a është i pranueshëm si bazë për diskutim drafti i statutit që propozohet nga ekipi menaxhues për formimin e Asociacionit të komunave me shumicë serbe.

“E para, a parasheh ky draft një shtresë të re të qeverisjes, e nëse e parasheh nuk konsiderohet i pranueshëm për diskutim të mëtejmë. E dyta, a parasheh të drejta kolektive, nëse po, e merr epitetin e një drafti të papranueshëm”, tha ai në raportimin para Komisionit për Punë të Jashtme të Kuvendit të Kosovës, shkruan REL.

Bislimi përmendi gjithashtu edhe tri kriteret tjera.

“Në ç’masë është në harmoni në marrëveshjet e 2013 dhe 2015 për Asociacionin. Vendimin e Gjykatës Kushtetuese të vitit 2015 për Asociacionin. Si dhe, në ç’masë është në harmoni me letrën Mogherini, i ka dërguar Qeverisë se çfarë kompetenca mund të ketë Asociacioni”, tha ai.

Zëvendëskryeministri i Kosovës tha se këto “janë pesë kritere të mjaftueshme që tregon se ky mekanizëm apo ky lloj i vetëmenaxhimi nuk ka asgjë nga ajo që ne e kemi quajtur Zajednica.

Kosova dhe Serbia kanë arritur marrëveshje për Asociacionin më 2013 dhe më pas më 2015 mbi parimet për themelimin e tij.

Po më 2015, Gjykata Kushtetuese e Kosovës ka gjetur se marrëveshja nuk është në harmoni të plotë me Kushtetutën. Por, kjo gjykatë ka thënë se ky asociacion mund të formohet nëse parimet që nuk janë në harmonizim me Kushtetutën, harmonizohen

LEXONI GJITHASHTU:

• Petkoviç: Kosova s’ka ndërmend ta formojë Asociacionin, mashtron sërish Brukselin
• PSD në Kosovë protestë me pankarta kundër Asociacionit