Partia Socialdemokrate në Kosovë zhvilloi sot një protestë kundër Asociacionit. Gazetari i Euronews Albania, Kosovë Gjoci tha nga Prishtina se protesta zgjati pak dhe në të nuk kishte më shumë se 200 njerëz.
Ata protestuan me pankarta, ku në njërën prej tyre shkruhej; “Vetëmenaxhimi = Asociacion.
Gjatë javës, aktivistë të partisë kanë qenë aktivë me një sërë aksionesh.
Fillimisht, ata kanë gjuajtur me tortë zëvendëskryeministrin Besnik Bislimi, ndërsa në videon e postuar në rrjete sociale shkruajnë: “Tortë e milkshake për Zajednicën.
E gëzofshin këta që e pranuan! Kurse ne, qytetarët e Kosovës, do ta kundërshtojmë atë e të kërkojmë masivisht dorëheqjen e tyre.”
Aksioni ka vijuar me akuza ndaj kryetarit të Kuvendit, Glauk Konjufca, të cilin PSD e akuzon për qëndrimet politike.
LEXONI GJITHASHTU