Kurti raporton sot para deputetëve në Kuvend për takimin e Ohrit

Kryeministri i Kosovës, Albin Kurti do të raportojë sot në Kuvendin e Kosovës për takimin e Ohrit, në lidhje me dialogun Kosovë-Serbi.

Në seancën e sotme do të shqyrtohen 16 pika të rendit të ditës, ndër të cilat edhe shqyrtimi i propozim-rezolutës për punën dy vjeçare të qeverisë së Kosovës, shqyrtimi i parë i projektligjit për ndryshimin dhe plotësimin e Ligjit për Lirinë Fetare në Kosovë, si dhe dy projektligje për ratifikimin e marrëveshjeve të kredisë.

Më 18 mars, Kurti, dhe presidenti i Serbisë, Aleksandër Vuçiç, nën ndërmjetësimin e Bashkimit Evropian u takuan në Ohër të Maqedonisë së Veriut, në kuadër të procesit të dialogut për normalizimin e marrëdhënieve.

Në këtë takim palët arritën pajtim për Aneksin për zbatimin e Marrëveshjes drejt normalizimit të raporteve, marrëveshje kjo që u bë publike më 27 shkurt.

LEXONI GJITHASHTU

• Blinken: Zbatimi i marrëveshjes, i hap rrugën njohjes së Kosovës nga 5 vendet e BE
• 89 % e gazetarëve shqiptarë janë me kontratë, por a respektohen realisht?
• Hajdarmataj: Garancia që Shqipëria i ka dhënë “kokave të krimit” të Kolumbisë