Shqipëria përballet me probleme në tregun e punës. Shqetësim kryesor mbetet mosdeklarimi i pagës së plotë në bankë dhe mungesa e kurajës së punonjësve për të denoncuar fenomenin.
Punonjësit që paguhen në të zezë apo marrin gjysmën e parave në dorë dhe gjysmën në bankë kanë të drejtë të protestojnë në 1 Maj. Por, jo vetëm ata. Edhe të punësuarit që nuk kanë firmosur kontratë, përballen me orë të gjata pune dhe sjellje që bien në kundërshtim me kodin e Punës kanë po aq të drejtë të dalin në protestë.
Nëse kjo ndodh, dhe të të tjerë njerëz solidarizohen me ta, infromaliteti në punë mund të ulet, dinjiteti i punëtorit do të rritet dhe bizneset do të ndryshojnë mendësi në raportet e tyre.
Statistikat të sakta të shkeljeve në punë në Shqipëri nuk ka, por ka të dhëna që i evidentojnë ato. P.sh një dokument i qeverisë nxjerr se punësimi informal në sektorin jobujqësor ishte 29% në vitin 2021. Për këtë, tatimet u kanë dërguar letra 10 mijë bizneseve vitin e kaluar të rregullojnë deklarimet për pagat e punonjësve ku rezultojnë pedagogë, inxhinierë, mjekë e gazetarë me paga minimale. Vetë këta të fundit, nuk e denoncojnë këtë fenomen.
Edhe siguria në punë nuk garantohet nga firmat për punët e vështira, kur në vitin 2022, kanë ndodhur 184 aksidente, dhe kanë humbur jetën në vendin e punës 32 punonjës.
LEXONI GJITHASHTU:
- Luajti futboll me të afërmit e Nikulajt, plani i Haxhisë për të vrarë biznesmenin
- Ndalimi i muzikës pas mesnate, bizneset ankohen për vendimin: Largon turistët