Bjellorusia paralajmëron vendosjen e 9 mijë trupave ruse në kufi

Ministria e Mbrojtjes në Minsk ka njoftuar se rreth 9 mijë trupa ruse do të vendosen në Bjellorusi, si pjesë e një “grupimi rajonal” të forcave që ajo pretendon se janë të nevojshme për të mbrojtur kufijtë e saj.

“Grupet e para të trupave ushtarake ruse që janë pjesë e (grupimit rajonal) filluan të mbërrijnë në Bjellorusi”, shkroi në Twitter Valery Revenko, kreu i departamentit të bashkëpunimit ushtarak ndërkombëtar të ministrisë së Mbrojtjes.

Ai tha se “zhvendosja do të zgjasë disa ditë” dhe do të përfshijë “pak më pak se 9,000 njerëz”, shkruan Radio Evropa e Lirë.

Lideri autoritar i Bjellorusisë, Lukashenko, një aleat i ngushtë i liderit rus Vladimir Putin tha më 10 tetor se Ukraina po përgatit një sulm ndaj territorit të shtetit të tij.

Ai tha se Rusia dhe Bjellorusia do të dislokojnë një task-forcë të përbashkët ushtarake, pranë kufirit ukrainas.

LEXONI GJITHASHTU:

• Lufta| Përgatitje të reja në kufi e ajër, trupat ruse drejt Bjellorusisë
• Lukashenko: Ukraina po përgatit sulm ndaj Bjellorusisë
• Forcat ukrainase përgatiten për sulm potencial nga Bjellorusia