BKH shkon në banesën e Veliajt, kryebashkiaku në vizitë zyrtare në Hamburg

Agjentët e Byrosë Kombëtare të Hetimit janë paraqitur mëngjesin e kësaj të premteje në ambientet e banesës së kryebashkiakut të Tiranës, Erion Veliaj, ndërkohë që ky i fundit ndodhet në një vizitë zyrtare jashtë vendit.

Bëhet me dije se agjentët kanë sekuestruar me vendim gjykate aparatin celular të bashkëshortes së Veliajt, Ajola Xoxa, në kuadër të hetimit pasuror të nisur nga SPAK.

Kryetari i bashkisë së Tiranës është aktualisht në Hamburg të Gjermanisë, ku po zhvillon një vizitë dyditore.

Gjatë vizitës, ai është pritur nga kryebashkiaku i parë i Hamburgut, Peter Tschentscher, si dhe ka patur takime me Presidenten e Parlamentit të Hamburgut, Carola Veit, si dhe me anëtarë të Komitetit për Çështjet Evropiane.

Gjatë ditës së sotme, Veliaj do të marrë pjesë në një tryezë të rrumbullakët të organizuar nga Dhoma e Tregtisë së Hamburgut, ku do të mblidhen kompani gjermane të interesuara për të investuar në Shqipëri.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• 80-vjetori i Çlirimit, Veliaj: Tirana dhe Shqipëria janë sot më të forta se kurrë
• Pse Tirana nuk ju besua vetëm Veliajt? Kushi: Strategji, Kaso: Jeni marioneta