Blerjet online, si të dallojmë cilat faqe janë më të sigurta?

Juristi Mustafa Llani ka treguar se si qytetarët të dallojnë se cilat faqe janë më të sigurta për blerjet online.

Në një intervistë për Euronews Albania, ai nënvizoi se kartat e kreditit janë më të sigurta se kartat e debitit gjatë blerjeve online.

“Nëse do klikojmë që të bëjmë blerje online, fillimisht duhet të interesohemi dhe të sigurohemi për faqen. Kjo dallohet që nga elementi i parë që është kur ne klikojmë URL-ja. Nëse faqja ka një URL që fillon me HTTPS (Hypertext Transfer Protocol Secure), kjo e bën faqen që të jetë e pajisur me SSL, në momentin që ti komunikon me URL-në, fillon kodimi mes serverit dhe klientit. Marrëdhënia këtu është më e sigurtë që ti të bësh blerje.

Gjithashtu duhet të interesohemi për website-n, pra, çfarë platforme përdor, çfarë kompanie, si është e regjistruar. Kartat e kreditit janë më të sigurta se kartat e debitit gjatë blerjeve online. Më e mira është përdorimi i Paypal-it”, theksoi ai.

LEXONI GJITHASHTU

• Telharaj: Varësia ndaj basteve online, rreth 10 herë më e lartë
• FOTO | Arrestimi i nënë e bir, sekuestrohen 405 mijë euro dhe 8500 dollarë në banesë
• Eksperti: Grupet që rrezikohen nga ndotja e ajrit dhe dëmet që shkaktohen te njeriu