Eksperti: Grupet që rrezikohen nga ndotja e ajrit dhe dëmet që shkaktohen te njeriu

Eksperti i mjedisit, Rodion Gjoka thotë se grupet më të rrezikuara nga ndotja e ajrit, janë gratë shtatzëna, fëmijet e vegjël, foshnjet e porsalindura dhe personat që kanë probleme shoqëruese.

Në një intervistë për Euronews Albania, Gjoka u shpreh se ndotja mund të shkaktojë probleme edhe në tru.

“Praktikisht, në këtë situatë ku jemi, çdokush në qytetin e Korçës që ka një furrë me dru zjarri apo një oxhak, është i lirë që ta përdorë. Por në sezonin e dimrit, ajri ndotet në ato nivele, që janë relativisht shumë të dëmshme për qytetarët, sidomos për shtresat vulnerabël. Këtu dua të veçoj, janë gratë shtatzëna, fëmijet e vegjël, foshnjet e porsalindura dhe personat që kanë probleme shoqëruese.

Së pari, rrëziku është për cilësinë e ajrit të brendshëm, në godinat ku përdoren. Elementi i dytë ka të bëjë me ajrin e jashtëm. Kryesisht, çfarë çliron djegia e druve, janë grimcat pm 10, pm 2.5 dhe pm 1. Këto grimca, në përqëndrime shumë të larta, nuk shkaktojnë problem akut, por të akumuluara në një kohë të gjatë, sjellin probleme sa i takon traktit respirator dhe sistemit nervor, sepse akomulohen në trurin e njeriut. Këto janë dy probleme që shkakton kjo ndotje”, theksoi ai.

Ekspertët e mjedisit kanë ngritur alarmin për qytetin e Korçës, që rezulton të jetë më i ndoturi në Shqipëri.

Shkaqet kryesore lidhen me lëndën drusore që përdoret për ngrohje, por edhe gazrat që lëshojnë automjetet.

LEXONI GJITHASHTU

• Cili është qyteti me ajrin më të ndotur në Shqipëri
• Ajri ‘vrasës’ në BE, unioni nuk përmbushi dot rekomandimet e OBSH-së