English

Blinken takim me Netanyahun në Izrael, lideri i Hezbollah flet sot për herë të parë

KOMENTE

SHPERNDAJE
ARTIKULLIN

Text sizeAa Aa

Sekretari amerikan i Shtetit, Antony Blinken, ka zhvilluar këtë të premte një vizitë në Izrael, ku është takuar me kryeminiztrin Izraelit Benjamin Netanyahu.

- Advertisement -

Lajmi është bërë publik nga faqja e Kryeministrisë së Izraelit, e cila postoi një foto gjatë takimit me mbishkrimin: Kryeministri Benjamin Netanyahu po mban një takim privat me Sekretarin e Shtetit të SHBA Antony Blinken, në Kirya në Tel Aviv.

Bëhet me dije se pas takimit “kokë më kokë”, Blinken pritet të takohet dhe me anëtarët e Kabinetit të Luftës”.

Kjo është vizita e tretë e Blinken në Izrael që pas sulmeve vdekjeprurëse të Hamasit më 7 tetor.

Blinken ndodhet në Izrael për të bërë presion në mënyrë që më shumë ndihmë humanitara të lejohen të hyjnë në Gazën e rrethuar.

Trupat izraelite kanë ashpërsuar rrethimin e tyre të qytetit të Gazës për të fokusuar fushatën e tyre në asgjesimin e grupit militant Hamas, që udhëheq këtë enklavë.

Në kufirin verior me Libanin, tensionet po vazhdojnë të përshkallëzohen para fjalimit të planifikuar për më vonë gjatë të premtes të liderit të Hezbollahut, Hassan Nasrallah. Ky do të jetë fjalimi i tij i parë që kur Hamasi sulmoi Izraelin muajin e kaluar, duke nxitur frikën se konflikti Izrael-Hamas mund të shndërrohet në një konflikt rajonal.

Të enjten, Hezbollahu, aleat i Hamasit, sulmoi pozicionet izraelite në veri duke kryer sulme me dronë, mortaja dhe me dronë vetëvrasës. Ushtria izraelite tha se është kundërpërgjigjur me sulme me avionë dhe helikopterë luftarakë.

LEXONI GJITHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?