Bllokohen një skaf dhe një gomone në detin e jugut, drejtuesit gjobiten për shkelje

Policia Kufitare ka vijuar kontrollet përgjatë gjithë vijës bregdetare në Vlorë dhe Sarandë, me qëllim rritjen e parametrave të sigurisë gjatë sezonit turistik dhe këtë të premte ka bllokuar dy mjete lundruese, një gomone dhe një skaf.

Drejtuesi i gomones ishte duke lundruar në një zonë të ndaluar e pasi është konstatuar nga Policia Kufitare është gjobitur me 100.000 lekë të reja.

Ndërsa skafisti ka marrë një gjobë prej 10.000 lekë të reja, pasi nuk ishte i pajisur me dokumentacionin e nevojshëm për lundrim.

“Policia Kufitare e Vlorës ka ndëshkuar me masë administrative 100 000 lekë të rinj, drejtuesin e mjetit lundrues gomone, pasi gjatë kontrollit u konstatua se po lundronte në zonë të ndaluar, në plazhin e Jonufrës.

Policia Kufitare e Sarandës ka ndëshkuar me masë administrative 10 000 lekë të rinj, drejtuesin e mjetit lundrues skaf, pasi gjatë verifikimeve ka rezultuar se nuk kishte në bord, dokumentacionin e nevojshëm për lundrim.

2 mjetet lundruese u bllokuan deri në shlyerjen e masave administrative dhe pajisjen e drejtuesve, me dokumentacionin përkatës”,-thuhet në njoftimin e policisë.

LEXONI GJITHASHTU:

• Vodhën lekë, dyer dhe dritare nëpër banesa, arrestohen 3 grabitësit
• Psikologia këshillon prindërit: Të jeni vigjilentë kur fëmijët rrinë me fqinjët