Vodhën lekë, dyer dhe dritare nëpër banesa, arrestohen 3 grabitësit

Tre grabitës janë arrestuar këtë të premte në kuadër të operacionit “Three”.

A.K., 22 vjeç, banues në Belsh, si dhe E. M., 40 vjeç dhe L. N., 49 vjeç, të dy banues në Lushnjë akuzohen se kanë vjedhur në 3 banesa të ndryshme, në Belsh.

Mësohet se grabitësit kanë vjedhur rreth rreth 4 000 000 lekë të reja si dhe pajisje të ndryshme. Madje ata kanë vjedhur edhe dyert dhe dritaret e një banese. Ka dyshime se veç 3 banesave këta shtetës të cilët bashkëpunin në vjedhje, mund të kenë kryer edhe grabitje të tjera.

Njoftimi i policisë

Shërbimet e Komisariatit të Policisë Cërrik dhe ata të Stacionit të Policisë Belsh, si rezultat i administrimit me përparësi dhe të menjëhershëm të disa kallëzimeve, për vjedhje në banesa, si dhe me mbështetjen e inteligjencës policore, kanë organizuar dhe finalizuar operacionin policor të koduar “Three”.

Si rezultat i operacionit u zbardhën 3 vjedhje për të cilat, në bashkëpunim me shërbimet e Forcës së Posaçme “Shqiponja” të DVP Elbasan, u kapën dhe u arrestuan shtetasit:

A.K., 22 vjeç, banues në Belsh, si dhe E. M., 40 vjeç dhe L. N., 49 vjeç, të dy banues në Lushnjë.

Nga veprimet hetimore dyshohet se këta shtetas, në bashkëpunim me njëri-tjerin, janë autorë të vjedhjeve në 3 banesa të ndryshme, konkretisht:

-Më datë 14.05.2023, kanë vjedhur  2 000 000 lekë të rinj, në banesën e shtetasit E. I.;

-Më datë 07.06.2023, kanë vjedhur 13 000 euro dhe 6 000 dollarë, në banesën e shtetasit O. B.;

-Më datë 01.06.2023, kanë vjedhur dyert dhe dritaret e banesës së shtetasit Y. T.

Vijon puna për dokumentimin e vjedhjeve të tjera që mund të jenë kryer nga këta shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• VIDEO| Momentet pasi siriani qëllon me thikë fëmijët në parkun e lojërave
• Çiftet që flenë në dhoma të ndara përmirësojnë marrëdhënien e tyre