VIDEO| Momentet pasi siriani qëllon me thikë fëmijët në parkun e lojërave

Një ngjarje e rëndë ndodhi ditën e djeshme në qytetin e Annecy në juglindje të Francës.

Një burrë i armatosur me një thikë sulmoi një grup të fëmijëve parashkollorë, që po luanin pranë një liqeni në Alpet franceze. Si pasojë e sulmit mbetën të plagosur 4 fëmijë dhe një person i rritur.

I dyshuari u arrestua në vendin e ngjarjes në qytezën Annecy pas sulmit të kryer rreh orës 9:45.

Një burim nga Policia franceze i tha agjencisë së lajmeve AFP se i dyshuari u kishte thënë policëve se ai ishte një azilkërkues sirian.

Mediat e huaja kanë publikuar dhe pamjet kur qytetarë të ndryshëm tentojnë të neutralizojnë sulmuesin, i cili shihet në video duke mbajtur një thikë në dorë.

Ministri i Brendshëm, Gerald Demanin, tha se i dyshuari ishte i arrestuar “falë reagimin të shpejtë të forcave të sigurisë”.

Dy prej fëmijëve që besohet se janë trevjeçarë dhe i rrituri janë në gjendje kritike dhe po luftojnë për jetë në spital, tha një burim nga institucionet e sigurisë për AFP.

Presidenti i Francës, Emmanuel Macron, e dënoi krimin dhe tha se e gjithë Franca është e shokuar.

LEXO GJITHASHTU:

• Shqiptarja “shpallet” heroinë në Zvicër, i shpëton jetën fëmijës 4-vjeçar
• “Burri ishte kundër!” Stilistja: Nuk donte që të hapja Instagram për djalin
• Kujdes fëmijët, pedofilët gjenden dhe në Instagram