BMW-ja u vodh në Durrës, policia publikon dinamikën e masakrës në Don Bosko

Policia e Shtetit ka zbardhur dinamikën e plotë të atentatit të ndodhur në një lokal në zonën e Don Boskos, mbrëmjen e të dielës në Tiranë.

Policia bën me dije se rreth orës 21:05, në drejtim të lokalit në pronësi të shtetasit Fatjon Murati, është qëlluar me armë zjarri automatike dhe për pasojë ka mbetur e vrarë shtetasja Mimoza Paja, 58 vjeçe, e cila ishte e punësuar si banakiere, si dhe janë plagosur 5 shtetas, 3 prej të cilëve vazhdojnë të jenë në spitalin e Traumës duke marrë ndihmë  mjeksore.

Pas krimit të rëndë policia ka mundur të gjejë në orët e para të mëngjesit, në vendin e qujatur “Ura e Sul Meres”, në territorin e fshatit Likmetaj, automjetin tip BMW me të cilën autorët kryen sulmin me armë.

“Grupi hetimor ka kqyrur automjetin e djegur dhe ka sekuestruar disa prova të vlefshme për hetimin.

Nga verifikimi i numrit të shasisë së automjetit  rezulton se ky mjet tip BMW, seria 5, (525) me ngjyrë gri, ishte vjedhur gjatë natës më datë 14.03.2021, në lagjen nr 13  Durrës”, njofton policia.

Dinamika e kësaj ngjarjeje është si mëposhtë sipas policisë:

Autorët janë afruar me automjetin tip BMW, me targa të huaja në rrugën “Anastas Shundi”, kanë ndaluar makinën përbri lokalit të shtetasit F. M.,  dhe dy nga autorët kanë zbritur nga makina duke hapur zjarr me breshëri në drejtim të lokalit. Pas kësaj autorët kanë hipur në automjet dhe janë larguar me shpejtësi në drejtim të spitalit ushtarak, kanë vazhduar në autostradën Tiranë – Durrës, kanë devijuar rrugën në mbikalimin e Vorës dhe kanë djegur automjetitn në fshatin Likmetaj.

Policia e shtetit njofton gjithashtu se ka vendosur një dëmshpërbim prej 20 mijë euro për këdo që jep informacione të vlefshme që mund të çojnë në kapjen e autorëve.

“Policia e Shtetit vendos në dispozicion të publikut numrin e telefonit 069 41 11 546”, thuhet në njoftimin e uniformave blu.

LEXONI GJITHASHTU:

• “Ishte fukara, kishte 6 muaj pa larë qiranë”, flet fqinja e Mimoza Pajës
• Masakra në Don Bosko, gjendet e djegur makina e autorëve, brenda 3 kallashnikovë
• Masakra në Don Bosko, gazetari: Mund të kenë lidhje dhe njerëzit e Ervis Martinaj