Boçi: Berisha është në kulmin e betejës së tij

Deputet i Partisë Demokratike Luçiano Boçi, i ftuar këtë të martë në Now me Erla Mëhillin, tha se Partia Demokratike duhet ta mbështesë Berishën, njëlloj sikurse ai mbështeti PD.

Ai tha se për momentin nuk konceptohet një lideri i ri i Partisë Demokratike, sepse Berisha ishte ai që e nxori PD nga ajo gjëndje në të cilën ishte.

“Berisha është në kulmin e betejës së tij dhe në një situatë ku ai ka mbështetur deri tani Partinë Demokratike dhe e nxori nga ajo gjëndje në të cilën ishte. Nuk mund të konceptohet që në këtë moment që të gjithë duhet t’i thonë e mbarove detyrën tënde sepse është dhe moment politik dhe moral, përkundrazi duhet ti ofrojnë mbështetje”  tha Boçi.

Për sa i përket faktit që Berisha është në arrest shtëpie, ai shtoi se kjo nuk ishte hera e parë që ndodh me nje kryetar partie në Shqipëri.

“Të mos harrojmë një situatë të ngjashme, para shumë vitesh lideri Fatos Nano, ishte i dënuar me vendim të formës së prerë dhe struktura e PS të gjithë aksionin e saj politik e drejtonte rreth tij” tha ai.

LEXO GJITHASHTU:

• Gjykata i dha vulën, Berisha: Fitorja e sotme, më e rëndësishmja në historinë e PD
• Gazetari: Sot ditë e keqe për PD! U izolua nga ndërkombëtarët!