Gjykata i dha vulën, Berisha: Fitorja e sotme, më e rëndësishmja në historinë e PD

Ish-kryeministri Sali Berisha foli për herë të parë para simpatizantëve të tij pasi Gjykata e Apelit vendosi ditën e sotme t’i japë vulën dhe logon e Partisë Demokratike zyrtare.

Berisha e cilësoi të sotmen si fitoren më të rëndësishme në historinë e Partisë Demokratike.

“Ishte pikërisht lufta jonë ndaj këtij narkoshteti, ishte ekspozimi që u bëmë vjedhjeve të tyre monstruoze, denoncimet qe ne bëmë ndaj krimeve të Edi Ramës, që nisën këtë luftë të egër ndaj flamurit të Partisë Demokratike. Dhe e paguam me sakrifica këtë luftë kundër narkoshtetit.

Që nga kryetari, që është prej muajsh në arrest pa asnjë akuzë, e deri te mbështetësi më i ri i Partisë Demokratike, të gjithë kemi bërë pjesën tonë të sakrificave. Por pse sakrifikojmë ne? Ne sakrifikojmë për dinjitetin e shqiptarëve. Ne sakrifikojmë për pluralizmin politik. Ne sakrifikojmë për interesin kombëtar. Ne sakrifikojmë për demokracinë. Dhe në këto sakrifica, ne ia dolëm që ta shpëtojmë flamurin e Partisë Demokratike”, tha Berisha para përkrahësve të mbledhur në të ashtuquajturën Rrugica e Shpresës, që këtë të martë ishin më të shumë se zakonisht.

LEXONI GJITHASHTU:

• Gjykata vendosi që Berisha të jetë kryetar i PD, flet për herë të parë Lulzim Basha
• Berisha merr vulën e PD, demokratët nisin festën! Plasin fishekzjarre në seli