Boçi për Portin e Durrësit: Do përdorim çdo mekanizëm për mosrealizimin e projektit

Deputeti Luçiano Boçi nga Elbasani është shprehur se nuk do të lejojnë realizimin e projektit të Portit të Durrësit që u miratua ditën e djeshme në Kuvend me votat e mazhorancës.

Në një deklaratë për mediat ai tha se opozita do të përdor çdo mekanizëm në mënyrë që Porti të mos ndërtohet.

Sipas tij realizimi i këtij porti synon zhvatjen e pasurisë publike.

“Mazhoranca ka fituar nëpërmjet numrave të kartonit betejën për Portin e Durrësit, por jo luftën. Opozita do të përdorë çdo mekanizëm ligjor që demokracia i garanton për të ndaluar me çdo kusht realizimin e një projekti që synon gllabërimin dhe zhvatjen e pasurisë publike.

Lufta jonë do të vazhdojë edhe në parlament por edhe jashtë tij deri në frenimin e realizimit të këtij projekti korruptiv dhe zhvatës.

Protesta e 6 dhjetorit do të thyejë tabunë e heshtjes kombëtare kur ka organizime  ndërkombëtare”- tha ai.

LEXONI GJITHASHTU: 

• Osmani cakton datën e zgjedhjeve për asambletë në Zveçan dhe Leposaviç
• EMRAT | Personat që financonin dhe gjenin tregun për laboratorin e kokainës në Fier