Boçi: Rama burracak, po kërkon mbrojtje policore

Deputeti i Partisë Demokratike Luçiano Boçi në një deklaratë për mediat në mbyllje të seancës së tensionuar të së enjtes akuzoi Ramën se tentoi t’i mbyllë gojën opozitës duke mos pranuar mocionin e paraqitur nga PD dhe duke ju shmangur interpelancës lidhur me skandalin McGonigal.

Sipas Boçit, Rama është një burracak, ndaj po kërkon mbrojtje policore, krahas përpjekjes për t’i fshehur të vërtetën shqiptarëve.

“Ka një vendosje të furgonave të policisë, siç duket në atë frikën në rritje të zotit Rama kërkon dhe mbrojtje policore. Burracakët dhe tradhtarët, pavarësisht kohës ku jetojnë, kanë të njëjtën pamje dhe veprojnë në të njëjtën mënyrë. Siç fshihet Rama pas të vërtetës. Kemi kërkuar mocion debat, por i është shmangur këtij debati. Këto veprime tregojnë alarmin e tij, që është i zhytur në vepra të rënda penale, cenim të Kushtetutës së vendit”, tha Boçi.

LEXONI GJITHASHTU:

• Pse erdhët në fund të seancës kur kërkuat interpelancë? Alibeaj: Isha në Angli!
• Kaos në Kuvend| Opozita përplaset me Gardën, mazhoranca vijon me rendin e ditës