Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell pas takimit në Këshillin e Ministrave të Punëve të Jashtme të BE-së në Bruksel, ka thënë se i ka informuar ata për marrëveshjen në Ohër.

Borrell u shpreh se marrëveshja është arritje e madhe dhe se krijon një status-quo të re në dialog.

Zyrtari evropian nënvizoi se marrëveshja dhe aneksi kanë hyrë në fuqi me deklaratën e lëshuar.

Sipas tij, aneksi thekson se Kosova është e përkushtuar për zhvillimin e menjëhershëm të Asociacionit.

“Aneksi thekson qartë se Kosova është e përkushtuar për zhvillimin e menjëhershëm të asociacionit të komunave serbe në veri të Kosovës. Ne do të ndjekim nga afër se si të dy palët i zbatojnë këto obligime që janë pjesë integrale e rrugëve të tyre drejt Evropës”, deklaroi Borrell.

LEXONI GJITHASHTU

• “Kurti ndihmoi Vuçiçin”, ish-diplomati tregon se çfarë ndodhi në Ohër
• Kurti takim me ambasadorët e akredituar në Kosovë, zbardhet biseda
• Marrëveshja Kurti-Vuçiç | Reagime të forta nga SHBA, NATO dhe Turqia