Liderët e vendeve anëtare të Bashkimit Evropian konfirmuan statusin e vendit kandidat për Bosnje dhe Hercegovinën, në samitin që u mbajt këtë të enjte në Bruksel.

“Këshilli Evropian mbështet konkluzionet Këshilli për Çështje të Përgjithshme i BE-së, të datës 13 dhjetor 2022, për procesin e zgjerimit dhe stabilizim-asociimit, dhe pranon t’i japë Bosnje e Hercegovinës statusin e vendit kandidat”, thuhet në konkluzionet e miratuara nga liderët e BE-së, në të cilat pati qasje Radio Evropa e Lirë.

Vendimi për dhënien e statusit kandidat për Bosnjën tashmë është marrë nga ministrat përgjegjës për çështje evropiane në takimin e mbajtur më 13 dhjetor dhe konfirmimi i sotëm është vetëm zyrtarizmi i statusit të vendit kandidat.

Në tetor, Komisioni Evropian rekomandoi dhënien e statusit kandidat dhe anëtarësimin e plotë të Bosnjës në BE, por tha se shteti duhet të përmbushë disa kritere.

LEXONI GJITHASHTU

• Këshilli Evropian rekomandon statusin kandidat për Bosnje dhe Hercegovinën
• KFOR bën thirrje për shmangien e tensioneve në Veri: Rruga për paqe, dialogu
• Fetahu: Strategjia e Vuçiç dhe Serbisë në Veri për të rritur peshën në negociata