Këshilli Evropian ka rekomanduar këtë të martë, dhënien e statusit kandidat në Bashkimin Evropian për Bosnje dhe Hercegovinën.

Lajmin e bëri të ditur ministri i Republikës Çeke për Çështjet Evropiane, Mikulas Bek përmes një deklarate.

“Politika e zgjerimit të BE-së është një spirancë e fortë për paqen, demokracinë, prosperitetin, sigurinë dhe stabilitetin në kontinentin tonë. Me konkluzionet e tij, Këshilli po dërgon një mesazh të fortë të angazhimit të tij ndaj zgjerimit të BE-së. Jam veçanërisht i kënaqur për rekomandimin për të dhënë Statusin kandidat për Bosnje-Hercegovinën”, thuhet ndër të tjera në deklaratë.

Në një reagim në rrjetin social Twitter, komisioneri për Zgjerimin Oliver Varhelyi deklaroi se me dhënien e statusit të kandidatit për Bosnje e Hercegovinën është arritur një tjetër gur kilometrik.

Bosnja bashkohet kështu me Serbinë, Shqipërinë, Maqedoninë e Veriut dhe Malin e Zi mes vendeve të Ballkanit që kanë zyrtarizuar kandidimin. Ndërkohë, Kosova po punon për të njëjtin qëllim.

Sidoqoftë, anëtarësimi i plotë mund të kërkojë vite të tëra. Me strukturën e komplikuar qeveritare dhe përbërjen multietnike, Sarajeva ka shumë punë për të bërë për të përmbushur reformat e kërkuara nga Brukseli për t’u bashkuar me klubin evropian.

LEXONI GJITHASHTU

• KFOR bën thirrje për shmangien e tensioneve në Veri: Rruga për paqe, dialogu
• Fetahu: Strategjia e Vuçiç dhe Serbisë në Veri për të rritur peshën në negociata
• Reagon Franca për sulmet në veri të Kosovës, dënon sulmin ndaj EULEX