Botohet në Fletoren Zyrtare shkarkimi i Safet Gjicit

Është botuar ditën e sotme në Fletoren Zyrtare shkarkimi i ish-kryebashkiakut të Kukësit Safet Gjicit

Vendimi është marrë nga Këshilli i Ministrave pak ditë më parë, ndërsa në Fletore shkruhet se se shkarkimi i Gjicit është për shkak të shkeljeve të rënda.

“Shkarkimin nga detyra, për shkak të shkeljeve të rënda, të kryetarit të Bashkisë Kukës, SafetGjici.”-shkruhet në Fletoren Zyrtare.

Gjykata e Posaçme ka dhënë sot masën e sigurisë “arrest me burg” për ish-kryebashkiakun e Kukësit, Safet Gjici. Ndërsa, për Alma Kaçin, vajzën e cila u shfaq në videon intime me Gjicin, Gjykata dha masën “arrest shtëpie”.

Ish-kryebashkiaku i Kukësit akuzohet për “Shpërdorim të detyrës”, pasi nga një video e plotë e skandalit seksual në zyrën e tij, doli se Alma Kaçi i kishte kërkuar favore për një tender për sterilizimin e qenëve dhe Gjici e kishte aprovuar.

LEXONI GJITHASHTU: 

• Zbardhet dëshmia e gruas në videon seksuale të Safet Gjicit
• Safet Gjici akomodohet në paraburgimin e Durrësit