Pas rënies së regjimit të Bashar al-Assad, janë shfaqur dhe pamjet e para që tregojnë sirianët e dënuar nga regjimi, përfshirë gra dhe fëmijë, duke u liruar nga burgjet e vendit.
Burgu Sednaya, i famshëm për trajtimet e tmerrshme ndaj të burgosurve, ra në duar të rebelëve të shtunën pas përmbysjes së regjimit të Assad. Observatori Sirian për të Drejtat e Njeriut konfirmoi se “dyert e burgut Sednaya, e njohur ndryshe ‘thertorja njerëzore’, u hapën për mijëra të burgosur”.
Almost a day after the liberation of Sednaya prison in #Damascus, rebels are still digging in the basement floors of the infamous “Red Wing” in an attempt to reach prisoners held there.
Where are @un @RedCross @CIJ_ICJ @HumanRights organizations pic.twitter.com/dgIKs50Xnv
— Elly 🎗️Israel Hamas War Updates (@elly_bar) December 8, 2024
Qindra të burgosur, përfshirë gra dhe fëmijë, u liruan gjatë këtij operacioni, megjithatë disa zona të burgut, përfshirë qelitë nëntokësore, mbetën ende të mbyllura. Pamjet nga vendi i ngjarjes treguan rebelët duke shkatërruar dyert dhe duke informuar të burgosurit se ata ishin të lirë. Mijëra të burgosur kanë dalë nga burgu, duke festuar dhe duke brohoritur.
Omar Saud, një aktivist lokal, theksoi se nëntë kate të tjera, të njohura si “qelitë e kuqe”, ende mbeten të paprekura. Ai shpjegoi se ato nuk mund të hapen pasi kërkojnë një mekanizëm të posaçëm.
Ushtarët dhe oficerët që kanë akses për hapjen e këtyre qelive janë larguar tashmë nga burgu.
Kur ekipi i shpëtimit mundi të hapte një nga këto qeli, pamjet ishin shokues: një i burgosur i liruar, që ishte në një gjendje të tmerrshme, nuk mund të fliste dhe nuk mbante mend as emrin e tij, duke pasqyruar brutalitetin që ai kishte përjetuar për gjatë kohës në burg.
Në një raport të vitit 2017, Amnesty International tha se abuzimet dhe torturat që ishin kryer në Sednayana përbënin krime kundër njerëzimit.
🚨🇸🇾 #Syrie | 🌍 International
Histoires et tragédies de la prison de Saydnaya, surnommée « l’abattoir humain ».
Ils y ont trouvé le plus jeune prisonnier, âgé d’environ 3 ans. D’autres prisonniers y ont passé 40 ans.. pic.twitter.com/tOe0dhM1GZ
— Saudi News FR (@SaudiNewsFR) December 8, 2024
LEXONI GJITHASHTU:
- Kush është lideri i rebelëve që mund të marrë pushtetin në Siri, e shkuara e errët
- Regjimi i Assadit në Siri, Arapi: Pas 41 vjetësh fitoi lirinë piloti që nuk pranoi…
- FOTO| Sirianët e mërguar festojnë fundin e sundimit të al-Assad
