Breshëri kallashnikovi ndaj banesës në Krujë, 1 viktimë, plagosen dy të mitur

Një ngjarje e rëndë ka ndodhur këtë mesnatë në fshatin Larushk të Krujës, ku një person ka mbetur i vrarë dhe dy fëmijë kanë mbetur të plagosur.

Burime për Euronews Albania, bëjnë me dije se ndaj banesës është qëlluar me breshëri kallashnikovi ku viktimë ka mbetur kunati i Gentian Bejtja, ndërkohë janë plagosur dhe dy të mitur.

Dyshohet se objektiv i atentatit që ka tronditur Krujën ka qenë Gentian Bejtja, por që ky i fundit u ka shpëtuar plumbave.

Kujtojmë se në vitin 2022, ndaj Bejtjës, është qëlluar me breshëri kallashnikovi teksa lëvizte me makinë në zonën e Niklës, i shoqëruar nga Klodian Stafuka.

Asokohe Bejtja mbeti i plagosur.

Ndërkohë në lidhje me atentatin e mesnatës, nuk dihen ende detaje të tjera për ngjarjen.

LEXONI GJITHASHTU:

• Sekuestrohen dy kallashnikovë në një banesë në Vaun e Dejës, në kërkim 59-vjeçari
• Vrau me kallashnikov kushëririn pas sherrit për qiranë, arrestohet 34-vjeçari