Bucci: ‘Non grata’ tipike amerikane, nuk ka sistem të ngjashëm në Evropë

Raportuesja për Shqipërinë në Parlamentin Europian, Isabel Santos ka deklaruar më herët se e edhe Europa do të konsiderojë shpalljen “non grata” të personave të korruptuar.

Ambasadori italian Fabrizio Bucci u shpreh se nuk ka asnjë detaj për çfarë mund të vendoset në të ardhmen.

“Besoj se është duke u diskutuar në Bruksel, por deri tani nuk kemi ndonjë element mbi atë çka mund të vendoset, nuk mund të jap të reja apo hollësi të mëtejshme,” – u shpreh ai.

Bucci deklaroi se bëhet fjalë për një institut tipik amerikan dhe vlerësime legjitime të secilit vend.

Duke marrë parasysh diçka të tillë, sipas tij, është e vështirë të krahasosh sisteme të ndryshme në vende të ndryshme dhe konkretisht sistemi “non grata” i përket Amerikës, as Italisë e as Evropës.

“Unë besoj se çdo sistem politik duhet të ketë instrumentet dhe mekanizmat e tij për të ndërhyrë në rast se ekzistojnë arsye të qenësishme e të bazuara në prova kur një person ka kryer krim. Magjistratura për këtë shërben. Ajo është e pavarur dhe duhet të ndjekë krimet. Për pjesën tjetër, është e vështirë të japësh gjykime mbi sisteme të tilla,” – u shpreh ambasadori Bucci.

LEXONI GJITHASHTU:

• Berisha në krye të PD-së, ambasadori Bucci: Ndërkombëtarët s’duhet të ndërhyjnë