English

Burg mbretit të kriptovalutave, bie “pernadoria” e miliarderit 31-vjeçar

KOMENTE

SHPERNDAJE
ARTIKULLIN

Text sizeAa Aa

Sam Bankman Fried, personi që dikur drejtonte një nga kompanitë më të mëdha të këmbimit të kriptovalutave, është shpallur fajtor për mashtrim financiar dhe pastrim parash, në fund të një procesi njëmujor të mbajtur në Nju Jork.

- Advertisement -

Juria amerikane e dha vendimin e saj pas më pak se 5 orë diskutimesh. Ai shënon rënien e 31-vjeçarit, dikur miliarder dhe një nga personat më të njohur në industrinë e kriptovalutave.

Bankman Fried u arrestua vitin e kaluar pasi kompania e tij, FTX, falimentoi. Tani ai përballet me dy dekada burg. Dënimi në dëm të tij do të jepet 28 marsin e vitit të ardhshëm.

FTX kishte dikur një vlerë prej 32 miliardë dollarësh, por kur falimentoi nëntorin e vitit të kaluar, 8 miliardë fonde të klientëve u zhdukën.

“Sam Bankman Fried përgatiti një nga mashtrimet më të mëdha financiare në historinë amerikane. Ai hartoi një skemë multimiliardere që do ta bënte mbretin e kriptovalutave”, deklaroi prokurori amerikan Damian Williams.

Bankman Fried qëndroi përballë jurisë me duart e shtrënguara teksa u lexua verdikti, ndërkohë që prindërit e tij qëndronin me duart në kokë.

Juria e shpalli atë fajtor për mashtrim të investitorëve dhe huadhënësve dhe për vjedhjen e miliarda dollarëve, veprime që çuan në falimentimin e FTX.

LEXONI GJIHASHTU:

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?