Burg për 55-vjeçarin Qani Muça, avokatja tërhiqet nga ‘të lumtë pushka’

Qani Muça akuzohet për vrasje ndaj funskionarëve publik, mbetur në tentativë dhe armëbajtje pa leje.

Pendesa e tij dhe pretendimi se e plagosi inspektorin e IMT-së ne gjëndje të tronditjes së fortë psikike pasi i shëmbën shtëpinë, nuk e shpëtoi nga arresti me burg.

Prokuroria thotë se për plagosjen e inspektorit Ilirjan Gavelli, Qani Muça përdori një pistoletë ‘Tokarov’, ndërsa më herët e ofendoi më fjalë të rënda dhe u konfrontuan fizikisht, por mbrojtja ka një tjetër version.

Për legalizimin e banesës 3 katëshe, Qani Muça priste që nga viti 2006.

Në dosjen e prokurorisë që bazohet në dëshminë e disa policëve thuhet se gjatë shoqërimit në komisariat ai është shprehur “Këta duhen vrarë të gjithë se janë kriminela”.

Në reagimin ku dënoi ngjarjen kryetari i bashkisë së Tiranës, Erion Veliaj foli për një projekt publik por mbrojtja sërish ka një variant tjetër.

Vetë avokatja Kalaja, njeherazi kryetare e komisionit të apelimit në Partinë Demokratike po hetohet për nxitje të autorit të krimit dhe thirrje për veprime të dhunshme nga policia e Tiranës, për shkak se një ditë pas ngjarjes përdori shprehjen “ të lumtë pushka ” në një postim në FB.

LEXONI GJITHASHTU

• Veliaj reagon pas plagosjes së inspektorit të IMT
• IMT i shembi shtëpinë, 55-vjeçari në gjendje të dehur plagos inspektorin në Tiranë