Burg për rivalin e Aldo Bares, masa e sigurisë iu komunikua në Spitalin e Traumës

Gjykata e Tiranës ka caktuar masën e sigurisë arrest me burg për Orges Bilblin. Masa iu komunikua në Spitalin e Traumës. Mbi të rëndojnë dy akuza: vrasje e mbetur në tentativë ndaj puonjësit të policisë, dhe armëmbatje pa leje.

I shpallur në kërkim për masakrën e Lushnjes, Orges Bilbilin dështoi ta arrestonte RENEA, por ai u plagos dhe u vu në pranga gjatë një ndalimi rutinë nga forcat e posaçme ‘Shqiponja’ këtë të premte, në kryeqytet.

Orges Bilbili njihet edhe si rival i bandës së Aldo Bares. Bilbili është dënuar me 7 vjet e 4 muaj burg, për trafik narkotikësh dhe ishte shpallur në kërkim edhe si një prej autorëve të masakrës së Lushnjes ku së bashku me Laert Haxhiun ekzekutuan me breshëri automatiku Jurgen Hoxhën dhe Zamir Latifin.