“Burg përjetë”, mamaja e Jetmira Hasanit: Vrasësi i sime bije nesër më vret dhe mua

Gjykata e Apelit Tiranë ka dhënë dënimin 28 vite për Agron Tanushin, i cili vrau ish-kunatën Jetmira Hasani në vitin 2020, nga 23 që ishte vendimi i Gjykatës në Shkallën e Parë.

Mamaja e Jetmira Hasanit tha se kërkonte burg përjetë për vrasësin e të bijës, duke qenë se ndihej e rrezikuar nëse ai dilte nga burgu.

Ajo tha se Jetmira ka pasur urdhër mbrojtje fillimisht prej burrit dhe më pas prej kunatit, i cili i mori jetën.

“Ka pasur urdhër mbrojtje në 2014-tën prej burrit, ka pasur urdhër mbrojtje në 2020-tën prej kunatit, prej këtij që është në burg. Ka bërë një jetë luftë dhe në fund mori dhe plumbin. Nëse nuk jepet vendimi i përjetshëm, nuk është dhënë vendimi i duhur. Po të ma lërë shteti mua, unë dënimin ja jap vet, po shteti mua s’ma lë kështu që kërkoj burgim të përjetshëm. Ky del nesër, ky shan në gjykatë e s’po më shan mua në rrugë të madhe, e nuk më vret mua? Kjo është të bëhen njerëzit mish e lesh,” – u shpreh e ëma e Jetmira Hasanit.

LEXONI GJITHASHTU:

• Avokati i familjes Hasani: Do kërkojmë burg përjetë për Agron Tanushin
• Vrau kunatën, dënohet me 28 vite Agron Tanushi. Familjarët kërkojnë burg përjetë