Burim Piraj: Kur tanket i afrohen kufijve, si të blejmë produktet serbe?

Në Kosovë ka nisur një fushatë sensibilizuese e quajtur mos “Mos bli prodhime serbe”, qëllimi i së cilës është që shqiptarët e Kosovës të vetëdijësohen për të mos konsumuar prodhime të Serbisë.

Burim Piraj, sipërmarrës nga Kosova, i cili është iniciatori i kësaj fushatë, tregoi në një intervistë për Euronews Albania pse e ndërmori një nismë të tillë në këto momente.

Piraj u shpreh se edhe 2 dekada pas përfundimit të luftës mes Kosovës dhe Serbisë, kjo e fundit vazhdon të bëjë gjithçka që Kosova të mos jetë shtet normal dhe i pranuar nga të gjithë.

Sipas tij, është e patolerueshme që në një kohë që Serbia sjell tanket në kufi me Kosovën duke rrezikuar sigurinë e saj, qytetarët  e Kosovës vijojnë të blejnë produkte serbe.

“Serbia po bën kërcënime dhe kur ka pasur tendencë si në 24 shtator 2022 të sjellë tanket në kufi dhe të kërcënojë sigurinë e vendit tonë, për mua ka qenë e pakuptimtë që qytetarët në mënyrë indiferente të vazhdojnë të blejnë prodhime serbe kur ne ata na kërcënojnë”, tha Piraj.

LEXONI GJITHASHTU:

• “Kukulla e Putinit”- Anonymous hakëron e-mailet e zyrtarëve serbë, mesazhi për Vuçiç
• Lala: Disa markete në Kosovë në produktet serbe vendosin flamuj të shteteve tjera