“Burra çyrykë”, Blendi Gonxhja: Unë nuk e përdor si shprehje…

Ministri i Ekonomisë, Kulturës dhe Inovacionit, Blendi Gonxhja ishte këtë të hënë i ftuar në “Now me Erla Mëhillin” në Euronews Albania ku tregoi pritshmëritë e tij për zgjedhjet parlamentare të 11 majit.

Ndër të tjerat i pyetur se si i drejtohet qytetarëve për ti kërkuar votën dhe nëse i quan edhe ai votuesi “çyrykë” siç u shpreh kryeministri Rama për ata që zgjedhin të mos votojnë Partinë Socialiste, Gonxhja u përgjigj se artikulimi i tij është ndryshe nga ai i Kryeministrit.

“Ajo është një batutë e cila nuk lidhet me faktin personal apo gjinor. Ajo është thënë në suazën e “kush nuk na voton ne nuk është mirë”. Është më shumë batutë. Unë nuk e kam përdorur.

Është ndryshe mendoj unë artikulimi i një kryeministri i cili flet në makro, në nivel qarqesh, në nivel endi. Ai ka një tjetër diskutim, ka një tjetër ballafaqim, ka një tjetër përballje me opozitën, me shtypin me mediat”,-tha Gonxhja.

LEXONI GJITHASHTU:

• Mister në Gjadër, zhduken 16 emigrantë nga qendra e pritjes në Shqipëri
• “Roja 58-vjeçar dyshohet se u vra për 1 mijë metra tokë” – Gazetari jep detaje…