“Burri ngacmoi 10-vjeçaren në ashensor”-Gazetarja tregon pse e ëma nuk e denoncoi…

Gazetarja Valbona Sulçe ishte mëngjesin e kësaj të marte e ftuar në “Goood Morning Albanians” ku foli për rëndësinë e krijimit të një regjistri për pedofilët.

Ajo zbuloi një rast të një vajze 10-vjeçare e cila ishte ngacmuar seksualisht nga fqinji i saj në ashensor. Vajza i kishte treguar nënës dhe pas një përballje me pedofilin 50-vjeçar, ai kishte ndryshuar shtëpi. Megjithatë sipas gazetares kjo nuk është zgjidhja e duhur pasi ai mund të bëjë të njëjtën gjë me fëmijë në ambientin e ri ku jeton.

“Rasti i ashensorit, vajza i ka treguar të ëmës, ajo është përballur direkt me personin që e ka ngacmuar. Ai ishte mbi 50 vjeç, ka kërkuar falje. Vajza ishte 10 vjeçe. Në kushtet e një përballje të tillë, ai është përgjëruar të mos e bëjë të madhe dhe në kushtet e një përballje të tillë, ai ka ndryshuar shtëpinë. Por ai këtë gjë mund ta bëjë edhe në vende të tjera, prandaj regjistri i pedofilëve është shumë i rëndësishëm”,-tha gazetarja.

LEXONI GJITHASHTU:

• Një grua vritet nga bashkëshorti i saj në Pejë
• Aktivistja: Djali 17 vjeç i komshiut ngacmoi 5-vjeçaren, prindërit nuk e raportojnë