Bushati: Kim ngazëllehet sot pas Metës, dje s’e linte të përdorte flamurin amerikan

Analisti Andi Bushati u tregua kritik ndaj ambasadores amerikane Yuri Kim pas takimit që kjo e fundit zhvilloi me Ilir Metën si kryetar i Partisë së Lirisë.

Në emisionin Now, në Euronews Albania, Bushati risolli deklaratën e Kim kur Meta president organizoi mitingun e 2 marsit dhe ambasadorja i kërkoi të mos përdorte flamurin amerikan në mitingjet e veta.

Sipas tij, Yuri Kim, sot në fund të mandatit e quan Metën të mirë, kur deri dje i kishte shpallur luftë të hapur.

“Sot ambasadorja është në fund të mandatit të saj dhe po ngazëllohet pas Metës. Kur ishte president i la edhe atë fjalën për 4 korrikun. Kur Meta bëri atë mitingun e 2 marsit, ambasadorja tha që ai s’ka të drejtë të përdorë flamurin amerikan për mitingjet e veta, me një luftë të hapur ndaj tij. Sot na doli i mirë. Siç ishte Berisha i mirë kur Hillari Klinton thoshte Shqipëria e Berishës shembull demokracie”, tha Bushati.

LEXONI GJITHASHTU:

• “Kot i bën furça, Këlliçi është mbështetës i Saliut”, Bushati ironizon Lapajn
• Bushati: Na duhet destabilizim si zgjidhje, nuk shkohet te Rama si ‘cjapi te kasapi’