Bushati: Kritikat ndaj Kurtit, si të kërkosh gjilpërë në kashtë

Analisti Andi Bushati thotë se deklarata e Albin Kurtit ndaj presidentit serb, është në fakt një akuzë e rëndë për Vuçiç ndryshe nga se është trajtuar në media si “mishërim”.

Sipas Bushatit, Kurti ka artikuluar se Vuçiç edhe pse nuk ka pasur ndikim tek Milosheviçi e ka të vështirë të shkëputet prej tij duke nënkuptuar se janë të ngjashëm në mentalitet.

“Vuçiçi është kriminel në mentalitet për sa kohë nuk shkëputet nga e kaluara. Qasja që i bën Albini, është se kemi një person të kriminalizuar në mentalitet”, tha Bushati.

Analisti shtoi se Kurti në një vit ka ndryshuar Kosovën dhe këto e tregojnë edhe raportet ndërkombëtare.

Sipas tij kritikat ndaj tij janë si “të kërkosh gjilpërën në kashtë”.

Me këtë mendim nuk ishte dakord analisti Baton Haxhiu duke thënë se nuk ka asnjë sukses.

“Njeriu që ka sulmuar më shumë mediat është Albin Kurti. E vetmja qeveri në rajon që nuk e bën asnjë punë të vetme”, tha ai.