Bushati: Kurti të respektojë vendimin e gjykatës për Manastirin e Deçanit

Analisti Andi Bushati thotë se kryeministri i Kosovës, Albin Kurti duhet të respektojë vendimin e Gjykatës Kushtetuese, e cila ka vendosur disa vite më parë që Manastrit të Deçanit t’i jepet 24 hektarë tokë.

Në emisionin “Shock” në “Euronews Albania”, Bushati u shpreh se vendimet e gjykatës duhet të respektohen edhe nëse janë të këqija.

“Një lider demokrat sillet duke respektuar institucionet kundër bindjes së vetë. Edhe në qoftë se ti mendon që vendimi i GJK është i padrejtë, ti pikërisht duke u sjellë si lider demokrat duhet ta zbatosh vendimin e saj”, tha Bushati.

Sipas tij, do ishte më mirë që Kurti të dilte i humbur në raport me ato që ka thënë kur ishte në opozitë, se do i kthente tokat Manastirit, se sa të dalë i humbur në në raport me mosrespektimin e shtetit.

Në maj të vitit 216, Gjykata Kushtetuese e Kosovës mori vendim, sipas të cilit Manastirit të Deçanit i njihet e drejta e pronësisë për 24 hektarë tokë. Por, ky vendim nuk është zbatuar asnjëherë nga ana e kësaj komune.

LEXONI GJITHASHTU

• Komuniteti ndërkombëtar kërkon zbatimin e vendimit të “Kushtetueses” për Manastirin e Deçanit