Analisti Andi Bushati e konsideron si qesharake dhe tallëse, procedurën e ndjekur nga mazhoranca për zgjedhjen e presidentit të ri.
Në emisionin “Shock” në “Euronews Albania”, Bushati tha ky proces i duket edhë më tallës se anketimi i Këshillimit Kombëtar për legalizimin e kanabisit.
“Unë mendoj se është një tallje. Pashë ato skenat qesharake sot kur deputetët e PS votonin në kutinë e fshehtë sikur po propozonin emra. Kush po propozojnë emra? Këta ministra që e morën vesh nga televizoni që u bënë ministra? Më duket tallje më e madhe se ajo e Këshillimit Kombëtar për legalizimin e kanabisit”, tha Bushati.
Ndërsa, analisti Baton Haxhiu tha se kjo procedurë duhet të zhvillohet edhe nëse është farsë, pasi sipas tij, demokracia ka falsitet brenda.
Haxhiu nënvizoi se presidenti Ilir Meta ka qenë jokushtetues dhe politik, teksa shtoi se kryeministri Edi Rama e ka menduar emrin për kreun e ri të shtetit.
LEXONI GJITHASHTU
- Rama: I hapur për ndryshimin e Kushtetutës për zgjedhjen e Presidentit
- Grupi i PD vendos sot për Presidentin e ri, thotë Alibeaj
