Cakrani: Çështja e Vis Martinajt zgjidhet, por s’ka vullnet nga organet kompetente

Për avokatin Kujtim Cakrani, çështja e të shumëkërkuarit, Ervis Martinaj është e zgjidhshme, por sipas tij, ka mungesë vullneti nga organet kompetente.

Në emisionin “Review” në Euronews Albania, Cakrani u shpreh se prokuroria e Kurbinit, e cila po heton për zhdukjen e Ervis Martinaj, punon në një terren të cunguar dhe prokurorët ndihen të frikësuar.

Cakrani shtoi se kësaj çështjeje do i jepej më shumë rëndësi, nëse do e hetonte SPAK-u.

“Do besoja që nëse do ishte te SPAK-u, do i jepte akoma më rëndësi situatës, sesa një prokurori, ku mund ta ketë një prokuror në dorë çështjen që po pret vettingun, ka problemet e tij, do ta anashkalojë.

Është një gjë që zbardhet, është vetëm thjesht vullneti i organeve ligjzbatuese për ta zbardhur se ku kanë humbur kontaktet e fundit me këtë shtetas”, theksoi ai.

LEXONI GJITHASHTU

• Gazetarja deklaratë të bujshme: Telefoni i Vis Martinaj ka pulsuar jashtë Shqipërisë
• Paralajmërimi i avokatit: Dosja për Ervis Martinajn do të sfumohet
• Gazetari: Vrasja për të cilën akuzohet dhe do të dënohet Ervis Martinaj