Calafiori firmos kontratën 5-vjeçare te Arsenal, Juventus synon afrimin e Adeyemit

Pas një sezoni të jashtëzakonshëm me bolonjan në kampionatin Italian, Ricardo Calafiori vendosi t’i japë fund rrugëtimin në Serinë A, duke u transferuar në Angli, aty ku u zyrtarizua si lojtar i Arsenalit.

22-vjecari ka nënshkruar një kontratë për 5 sezone me topcinjtë, të cilëve iu kushtoi plot 45 mln euro, të cilat mbushin arkat e klubit Italian.

Arteta e cilëson lojtarin të rëndësishëm në repartin difensiv, e do tu japë zgjidhje problemeve që londinezët kanë në prapavijë.

Calafiori ishte një zbulim i Romës, por më pas u huazua e u shit tek Bolonja, ku u aktivizua për 1 sezon, ndërsa tanimë do të jetë nën urdhrat e Artetës tek Arsenal.

Nga Bolonja një tjetër largim, ndoshta edhe më me peshë ishte ai i trajnerit Thiago Motta, që aktualisht është në krye të Juventusit, madje duke marrë në dorë frerët e merkatos.

Ish-mesfushori ka gati dhe listën me lojtarët që dëshiron të sjellë në Torino, mes tyre gjermani Karim Adeyemi.

Sulmuesi verdhezi vlerësohet nga dyshja Motta-Guintoli, me këtë të fundit që pak kohë më parë zhvilloi dhe një takim me lojtarin.

Lojtari do të ishte gati për një transferim në Itali, por pengesë mbetet Dortmundi i cili kërkon jo më pak se 50 milionë euro.

LEXONI GJITHASHTU:

• Milan dhe Juventus firmosin me trajnerët e rinj
• FSHF publikon datat për edicionin të ri futbollistik, kur pritet të nisë Superliga