Çekia ndalon pjesëmarrjen e atletëve rusë në garat lokale

Qeveria çeke tha se ka ndaluar të gjithë atletët që përfaqësojnë Rusinë të marrin pjesë në garat lokale, për shkak të pushtimit rus të Ukrainës.

Në deklaratën e saj thuhet se Qeveria çeke ndalon “pjesëmarrjen e sportistëve individualë dhe të ekipeve sportive që përfaqësojnë Federatën Ruse në garat sportive dhe lojërat e organizuara në tokën çeke”.

Gjithashtu, atletët dhe ekipet që përfaqësojnë Republikën Çeke nuk duhet të marrin pjesë në garat e zhvilluara në Rusi.

Ky vendim u mor pas kërkesës së shoqatave sportive çeke.

Më parë, lojtarët çekë të hokejit mbi akull, që garonin në Ligën e Hokejit Kontinental me bazë në Rusi, nuk mund të luanin për ekipin kombëtar çek.

LEXONI GJITHASHTU:

• Eurodeputeti austriak sulmon Serbinë: Luan me dy porta, me BE dhe Rusinë
• Rusia bombardon restorantin në Ukrainë, 3 të vrarë dhe dhjetëra të plagosur