‘Çelësat e xhamisë i kanë turqit’, Kikia tregon agjendën e Erdogan në Shqipëri

Analisti Mentor Kikia thotë se Erdogan ka një agjendë të qartë fetare në Shqipëri.

Në emisionin Now në Euronews Albania, Kika u shpreh se një çështje edhe më e madhe se sa ajo e mbylljes së shkollave turke me ultimatumin e Ergoganit, është ajo e xhamisë së Namazgjasë që pret të inaugurohet.

“Ka një çështje më të madhe që është xhamia e Namazgjasë, çelësat e xhamisë i kanë turqit. Komunitetit Mysliman i ndalohet të shkelë në territorin e xhamisë. Inaugurimi i xhamisë do të thotë t’i dorëzohet Komunitetit, por kjo nuk ndodh se Erdogan nuk e njeh Komunitetin Mysliman dhe e konsideron të kapur nga gylenistët. Erdogan ka një agjendë fetare në Shqipëri dhe marrëdhëniet Turqi-Shqipëri janë shndërruar në marrëdhënie Rama-Erdogan”, tha Kikia.

Sipas tij në Shqipëri institucionet e hapura dhe të mbështetura nga fondacioni Gylen kanë pësuar një traumë sistematike.

Kikia deklaroi se gjithë personeli turk është larguar në mënyrë ilegale gradualisht për t’i shpëtuar deportimit nga Shqipëria sepse kërkoheshin nga autoritetet turke.

LEXONI GJITHASHTU:

• Mentor Kikia: Trauma që i ka shkaktuar Rama shkollave të Gulenit në Shqipëri
• Mbyllja e shkollës turke, Rama: Mua s’më bëjnë dot presion as turqit as amerikanët