Çelet festivali i aktrimit “Apollon”, 2 shfaqje premierë përgjatë 7 netëve në Fier

Mbrëmjen e së dielës në Teatrin “Bylis” në Fier, starton Festivali i Aktrimit “Apollon”, i cili shënon këtë vit edicionin e tij të 15-të.

Në vigjilje të kësaj ngjarjeje të rëndësishme kulturore për Fierin, ku për 8 ditë e 7 netë, arti skenik do të flasë nëpërmjet emrave më të spikatur të teatrit Kombëtar, kryebashkiaku Armando Subashi, ka pohuar se Festivali i Aktrimit Apollon, është finalizim i projektit “Për Teatrin” që nisi në muajin shkurt dhe përfundon në Nëntor. Përmes një thirrje publike, iu bë ftesë produksioneve më të mira teatrore në vend të cilat u përzgjodhën nga një juri prestigjioze.

Gjatë këtij festivali do të rivihen në skenë 5 shfaqje nga trupat e teatrove të Durrësit, Tiranës, Prishtinës dhe 2 teatrove private. Ndërsa dy premiera do të jenë produksione të teatrit “Bylis”.   Përgjatë 7 netëve të festivalit, në skenë do të interpretojnë 30 artistë, mes të cilëve emra të njohur të skenës shqiptare.

Ky festival i dedikohet aktorëve fierak ndër vite, dhe për këtë edicion janë shtuar 2 çmime, In Memorium” për dy artistët simbol të teatrit, Hajrie Rondo dhe Fatos Sela në ndër të punës dhe karrierës së tyre.