Celibashi sugjerim partive: Të ndryshojë funksionimi i komisioneve zgjedhore

Komisioneri Shtetëror i Zgjedhjeve, Ilirjan Celibashi, ka ka tërhequr vëmendjen e aktorëve politikë mbi mënyrën e organizimit dhe funksionimit të komisioneve zgjedhore të niveleve të dyta dhe të treta.

Përmes një postimi në facebook, Celibashi, shkruan se administrimi i zgjedhjeve vetëm nga persona të caktuar nga partitë politike nuk siguron integritet dhe mirëadministrim të procesit zgjedhor.

Kreu i KQZ-së thekson se shpreson që partitë politike ta marrin në kosideratë këtë sugjerim të tij.

“Ndoshta nuk është koha apo edhe rasti, por duhet të sjell në vëmendje tani edhe sidomos pas zgjedhjeve të datës 23 korrik 2023 në Rrogozhinë, domodoshmërinë për ndryshimin e mënyrës së organizimit dhë të funksionimit të komisioneve zgjedhore të niveleve të dyta dhe të treta.

Administrimi i zgjedhjeve në këto nivele nga persona të caktuar vetëm nga partitë politike nuk siguron as integritet të procesit dhe as mirëadministrim teknik të tij. Shpresoj që partitë politike të vlerësojnë me realizëm dhe pa paragjykime këtë konsideratë të KQZ”, shkruan Celibashi.

LEXONI GJITHASHTU:

• Fitoi bindshëm Rrogozhinën, Memolla: Do ta kthejmë në një qytet elitar për turizëm
• Përfundon procesi i numërimit në Rrogozhinë, fiton kandidatit i Partisë Socialiste