CENSI| Sa banorë ka Shqipëria? Popullsia u tkurr brenda një dekade

Në vitin 2011, në Shqipëri jetonin 2.83 mln banorë. 13 vjet më vonë, pritshmëritë janë për një popullatë më të vogël, por shifra reale do të dalë vetëm pas ditësh.

CENSI i kryer në tetor 2023, do të duhej të kishte një rezultat paraprak në fund të vitit, por Instituti i Statistikave zgjodhi të ndryshojë kalendar për shifrat përfundimtare, çka nxiti edhe aludimet nga radhët e opozitës se brenda kufijeve kanë mbetur vetëm 1.5 mln banorë, ose 1.3 mln më pak se 10 vjet më parë.

Emigraconi, plakja  e popullsisë, ulja e lindjeve dhe martesat në moshë të vonë janë argumente të forta për tkurrjen e popullatës, por shifra është mohuar nga hartuesit e CENSIT, të cilët edhe statistikat e fundit që përkojnë me vitin e kaluar, raportojnë 2.76 mln banorë, pra një reduktim me 70 mijë banorë për një dekadë.

Kujtojmë se CENSI, nuk mat vetëm demografinë, por jep një informacion të detajuar edhe për numrin e pronave, ekonominë, arsimin, shëndetësinë, me statistika që i shërbejnë qeverisë dhe bashkive të planifikojnë politikat publike dhe programet që synojnë përmirësimin e jetesës së qytetarëve në vend.

Në vitin 2011, 1% e popullsisë ose 29 mijë banorë refuzuan të anketoheshin, ndërkohë që në vitin 2023 refuzimet, kanë qenë në nivele më të ulëta.

LEXONI GJITHASHTU:

• Tkurrja e popullsisë në rritje, eksperti rendit arsyet
• Shqipëria po tkurret, projeksionet e OKB: Do bëhemi popullsia më e plakur në botë