Çerekfinalet e French Open, 4 pretendentët në garë për trofeun

Çerekfinalet e “French Open” në tenis priten me interes pasi 4 pretendentët kryesorë për fitimin e trofeut janë ende në garë. Dueli më interesant i kësaj faze është ai mes Zverer dhe Novak Xhokoviç.

French open po shkon dalëngadalë drejt fundit të garës, ndërsa emocionet sa vijnë e shtohen, sidomos në një situatë ku pretendentët kryesorë për fitimin e trofeut janë ende në garë. Konkretisht emra si Sinner, Alcaraz Djokovic apo Zverer janë në luftë me njëri-tjetrin për ti shkuar deri në fund kompeticionit. Në çerekfinale dy prej tyre janë vendosur kundër njëri-tjetrit, një duel serbo-gjerman mes Zverer dhe Djokoviç, ku vetëm njëri prej tyre avancon në gjysmëfinale.

Favorit për të avanvuar më tej në këtë rrugëtim cilësohet serbi edhe pse ka humbur shumë terren në renditjen e përgjithshme të tenisit. Sa i përket yjeve të tjerë të këtij sporti, shorti ka rezultuar më i lehtë për Alcaraz që duelon me amerikanin Paul apo Sinner që përballet me Bublik.

Italiani po zhvillon paraqitje mjaft pozitive dhe duket se do të synojë ti shkojë në fund garës, megjithëse diçka e tillë ndodhi dhe në garën e Romës, aty ku në finale e mposhti rivali i tij spanjoll Alcaraz. Ky i fundit shihet si tenisti me më tepër shanse për të ngritur lart trofeun dhe në Paris, e pas tij vijnë Sinner Djokovic dhe Zverer.