“Çfarë do i bëjë prokuroria ‘Rrumit’?”Cakrani: Akuza për të s’është subjekt i SPAK

Avokati Kujtim Cakrani tha se akuza për Aleksandër Laho i njohur si “Rrumi i Shijakut”, nuk është fare subjekt i SPAK.

I ftuar në emisionin “Review” në Euronews Albania ai tha se si ‘Rrumi’ ka dhe shumë të tjerë që nëpërmjet dokumenteve të falsifikuara dhe kërcënimeve kanë marrë shumë hektarë tokë në zonën bregdetare.

Më tej ai shtoi se “Rrumi” mund të dënohet për falsifikim dokumentesh, ndërsa shtoi se ai nuk është zyrtar që të bëjë korrupsion.

“E di sa “Rrumë” ka në të gjithë zonën bregdetare , pafund. Janë me emra dhe mbiemra. Nëse Rrumi ka marrë 40 hektarë, ka të tjerë në Vlorë, Lushnje, Sarandë, që kanë marrë shumë herë toka me shumë me atë të dokumenteve falso, kërcënimeve. Ke në Fier pafund. Çfarë do ti bëj prokuroria Rrumit? Do ta dënojë për falsifikim?

E shumta që mund ta dënojë për falsifikim dhe korrupsion. Rrumi nuk bën korrupsion sepse nuk është zyrtar që të bëjë korrupsion. Akuza për Rrumin nuk është subjekt fare i SPAK”- tha ai.

https://youtu.be/gOUPjM88TbU

LEXONI GJITHASHTU: 

• Eni Ferhati: Ngjarja ndaj biznesmenit libanez ka qenë e paralajmëruar
• Pronat, Rexhepi: Problem falsifikimi, të rritet siguria e dokumenteve kadastrale
• Gazetari: Gjiri i Lalzit është vendi ku shteti ka bërë një sy qorr